Түпқараған ауданы бойынша 28 мектепке дейінгі ұйым жұмыс жасап тұр. Оның ішінде 11 мемлекеттік ұйым, жекеменшік ұйым саны -17.
Ауданның әрбір елді мекенінде 11 мемлекеттік мектепке дейінгі ұйымдарда мектепке дейінгі тәрбиемен қамтылмаған балалардың ата-аналарына консультациялық пункттер ұйымдастырылды.
Мақсаты: мектепке дейінгі ұйымдарға бармайтын балалардың толық дамуын, олардың құрбылары мен ересектер ұжымында әлеуметтенуін қамтамасыз ету, мектептегі оқытуға даярлық негіздерін формалау, тәрбиелеу мен оқытуда ерекше қажеттіліктері бар балаларға жүйелі психологиялық-педагогикалық көмек және ата-аналарға консультациялық-әдістемелік қолдау көрсету.
Консультациялық пункттер санатты тәрбиешілер ,тәжірибелі педагог-психолог, логопед, дефектолог мамандарынан құрылған.Жұмыс жоспары және жасалған жұмыстар ақпараттары МДҰ-дың веб-сайттарында және әлеуметтік парақша беттерінде орналасқан.
2023-2024 оқу жылы басталғалы 6 ата-анаға педагогикалық-психологиялық қолдау көрсетіліп ,кеңестер берілді.
